Komuna e Gjakovës paralajmëron bizneset se duhet të pushojnë më 22 prill – Lajmi.net
Komuna e Gjakovës paralajmëron bizneset se duhet të pushojnë më 22 prill
Autori: Lajmi.net Lajme 8:43, 16 April 2019
Komuna e Gjakovës, përmes një njoftimi i ka paralajmëruar subjektet afariste se më 22 prill duhet të pushojnë për shkak të festës së Pashkëve katolike.

Komuna e Gjakovës ka paralajmëruar subjektet afariste të kësaj komune se të hënën e 22 prillit duhet të pushojnë për shkak të festës së Pashkëve katolike, duke i qëndruar zotimit kështu që të respektohet ligji nga të gjithë.

Bazuar në ligjin për festat në Kosovë, kur ditët e festave zyrtare bien ditën e shtunë ose të diel, ditë pushimi do të jetë ditët pasardhëse të punës, bazuar në këtë dhe në kalendarin e festave zyrtare të Republikës së Kosovës, ditë pushimi për veprimtaritë ekonomike është data 22 prill e së hënës.

“Drejtoria për Punë Inspektuese kërkon që të respektohen dispozitat e rregullores në fuqi, në të kundërtën i paralajmëron të gjithë pronaret dhe personat përgjegjës së në raste se Inspektoret e Tregut konstatojnë se ushtrohet veprimtaria ekonomike me datën 22.04.2019, ditë e hënë, do gjobiten si dhe do të ju ndalohet përkohësisht ushtrimi i veprimtarisë që është në kundërshtim me nenin 14 të Rregullores Nr.110/04-16337 e datës 06.07.2017 Për orarin e punës së veprimtarive afariste dhe OJQ-ve në Komunën e Gjakovës”, thuhet në njoftimin e Komunës së Gjakovës.

Sipas tyre, përjashtim nga kjo bëjnë veprimtaritë afariste si hoteleri, furrat e bukës, sallonet e ondulimit, veprimtaritë shëndetësore barnatore, ordinanca e ngjashëm, si dhe pikat e shitjes së karburanteve.

Kjo nuk është hera e parë që Komuna e Gjakovës iu kërkon subjekteve afariste që të pushojnë në raste festash, pasi këtë e ka bërë edhe në të kaluarën. /Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO