Fotot janë realizuar nga prindërit fotografë të cilët ju sjellin përmes udhëtimit të saj jetësor. Kjo vajzë e ka përjetuar realisht çfarë do të thotë të jesh një Mogli, transmeton lajmi.net

Tippi,  tani 23 vjeç, ka lindur nga prindërit francezë, Sylvie Robert dhe Alain Degre të cilët kanë qenë gjatë gjithë jetës së tyre fotografë.

Familja prej tre personash ka udhëtuar vazhdimisht, duke fotografuar kafshë të pabesueshme dhe njerëz në regjione të ndryshme të Afrikës. Puna e tyre ishte e admirueshme.

Aventura ka filluar kur Tippi kishte lindur në Namibi, dhe përfundoi duke udhëtuar në Botswana, Zimbabe dhe Afrikë Jugore.

‘’Jeta e saj e përditshme kishte të bënte me të qenit e sigurtë se majmunët nuk ia kanë vjedhur shishen’’ thotë Sylvie.

Kur Tippi u kthye në Francë, në moshën dhjetë vjeçare, ishte e rëndë për të vazhdojë jetën në Paris.

‘’Asaj i mungonin shumë kafshët’’, thekson nëna e saj Sylvie.

Tani ajo i ka 23 vjet dhe është në vitin e tretë të studimeve për kinema, Tippi është duke u përballur në një xhungël tjetër, më konkrete.

Por kujtimet për Afrikën, të xhiruara dhe të botuara në libër, do të mbesin gjithnjë të gjalla.

‘’Ajo hodhi zemrën dhe mendimet e saj në libër’’ thotë Sylvie. ‘’Është sikurse storia e Moglis, por kjo e Tippit është e vërtetë.’’/Lajmi.net/