Për prindërit, fëmijët e të cilëve janë të varur nga interneti, apo për të ruajtur vëmendjen e të ftuarve në një darkë, kjo është shpikja ideale.

Në një kohë që Smartphone-t po dominojnë gjithnjë e më shumë jetën tonë, DistractaGone, nga Smart Box, pretendon që të jetë zgjidhja.

Zgjidhja e vërtetë është ndoshta vetëkontrolli dhe mposhtja e frikës se mos humb diçka nga bota virtuale.

Nisur dhe nga emri “DistractaGone” kjo kuti do ju ndihmojë të hiqni shpërqëndrimin ose tundimin e të pasurit celularin përballë dhe mos e prekur.

Është e lehtë në përdorim, mjafton të hapësh kapakun dhe mund të vendosni brenda saj deri në katër celularë.

Më pas mbylleni dhe përcaktoni numrin e minutave apo orëve që do të qëndrojë e mbyllur. Kutia nuk do të hapet deri në përfundimin e kohës. Përmasat e saj janë 166 x 85 x 60 mm.

DistractaGone, e krijuar nga një grup projektuesish nga Amsterdami, do t’i ndihmojë përdoruesit të gjejnë qetësi në punë si dhe të shijojnë momentet me miqtë dhe familjarët. /albeu.com/