Bazuar në librat e Maurice Leblanc për Arsène Lupine, hajdutin e famshëm, “Lupin” tregon historinë e Assane Diop (rol i luajtur nga Omar Sy), i cili aktualisht punon si pastrues në muzeun e famshëm parisian, “Louvre”, The Nerd Daily.

Sidoqoftë, ai ka aspirata shumë më të larta. Ai planifikon të vjedhë një gjerdan diamant të cilin Marie Antoinette e kishte marrë dhuratë dikur nga burri i saj, Louis XVI. Ata që supozojnë se ai vetëm dëshiron ta shndërrojë gjerdanin në para do të befasohen kur mësojnë se ka një kuptim më të thellë për këtë kon, transmeton lajmi.net.

25 vjet më parë, babai i Assane, Babakar (rol i luajtur nga Fargass Assandé), një emigrant nga Senegali dhe baba i vetëm, përpiqet t’i japë djalit të tij një jetë më të mirë në Paris duke punuar si shofer për një familje të pasur, mbiemri i së cilëve është Pellegrini.

Një ditë ai akuzohet se ka vjedhur gjerdanin e perandores nga kasaforta e Hubert Pellegrini (rol i luajtur nga Hervé Pierre). Nga turpi, babai i tij bën vetëvrasje në burg dhe e lë Assane të varfër si jetim.

Vite më vonë, familja Pellegrini duan të shesin gjerdanin për bamirësi. Assane, i frymëzuar nga hajduti i famshëm, roman të cilin ai e kishte marrë dhuratë nga babai i tij para vdekjes, e sheh shansin e tij për hakmarrje.

Ndërsa historia evoluon, shikuesit fillojnë të kuptojnë se cila ishte arsyeja e vërtetë për humbjen e gjerdanit, si dhe çfarë ndodhi para vetëvrasjes së Barbarakut. Ç’lidhje kanë gruaja e Pellegrinit, Anne (rol i luajtur nga Nicole Garcia) dhe hetuesi Gabriel Dumont (rol i luajtur nga Vincent Garanger).

Në fillim “Lupin”, i cili u publikua më 8 janar në Netflix, duket si një tjetër histori argëtuese me një dhe të vetmin Omar Sy në rolin kryesor. Padyshim që ju argëton për rreth tre orë e gjysmë ndërsa ju transporton në Francë për një kohë të shkurtër. Sidoqoftë, ajo shpejt kthehet në një histori krimi të lehtë në të cilën do të filloni të frikësoheni për mirëqenien e disa personazheve, ndërsa përballeni edhe me një temë kryesore të shoqërisë sonë aktuale.

Interesante është të shihet se si është zgjedhur dhe si është bërë një temë anësore gjatë gjithë serisë. Një fjali e shkurtër në episodin e parë brenda një bisede të shpejtë e bëri të qartë brutalisht se pse Assane e di se ai do të shpëtojë me pothuajse gjithçka derisa të vërtetohet e kundërta.

“Ju nuk më shikonit. Ju më patë, por nuk më shikonit. Ashtu si nuk na shikojnë. Ata për të cilët unë punoj, të cilët jetojnë atje lart, ndërsa ne jetojmë këtu poshtë. Ata që janë në majë nuk shikojnë në fund. Falë kësaj, ne do të jemi të pasur”, shprehet ai./Lajmi.net/