Sonda ‘Perseverance’ do të ulet poshtë atmosferës në sipërfaqen e planetit të kuq. Nëse ulet me sukses, kjo sondë do të kërkojë prova për jetë dhe madje mund të ofrojë dëshmitë e para se alienët ekzistuan në planetin e kuq, transmeton Lajmi.net.

Megjithatë, ulja mund të dështojë. 19 sonda kanë tentuar të ulen në Mars – dhe vetëm tetë prej tyre ia kanë dalë me sukses. Kështu, e gjithë kjo ngjarje do të jetë e mirë për t’u parë.

E gjithë ngjarja do të transmetohet live në kanalet zyrtare të saj. Përgjatë transmetimit, shkencëtarët e Nasa-së do të ofrojnë informacione të detajuara rreth udhëtimit, kontekstit të tij dhe çfarë planifikon të arrijë.

Transmetimin mund ta shikoni në kanalin e Nasa-së në YouTube dhe në faqen zyrtare të saj. /Lajmi.net