Rick Karsdorp u stërvit sot me shokët e tij të skuadrës, në Trigoria.

Mbrojtësi i krahut të djathtë, Karsdorp është kthyer në stërvitje te Roma, por jo të gjitha gjërat janë përmirësuar.

Sipas raportimeve të ‘Corriere dello Sport’, takimi me drejtorët dhe trajnerin nuk është bërë akoma, përcjell lajmi.net.

Karsdorp po stërvitet me shokët e skuadrës, por nuk ka komunikuar akoma me ‘Special One’.

Mbrojtësi holandez mori vëmendjen kur Mourinho e akuzoi për tradhti ndaj shokëve të skuadrës, që i kushtoi Romës humbje ndaj Sassuolos.

Mourinho kurrë s’kishte përmendur direkt emrin e Karsdorp, por tha se lojtari që tradhtoi klubin duhet të largohet në janar. /Lajmi.net/