Sulmuesi refuzoi të ndërrojë fanellën me kundërshtarin e tij ndërkombëtar gjatë një kualifikuese të Kupës së Botës 2022 në fillim të këtij viti.

Styche pretendoi se Haaland e injoroi kapitenin e Gjibraltarit, Roy Chipolina, pas kualifikimit të tyre në Kupën e Botës 2022 kundër Norvegjisë në fillim të këtij viti dhe si përfundim asnjë nga lojtarët e Gjibraltarit nuk i kërkoi atij fanellën kur ata u përballën përsëri në fillim të këtij muaji.

Sulmuesi i Hednesford Town, Reece Styche, i cili shënoi në humbjen e fundit të Gibraltarit 5-1 ndaj Norvegjisë Haaland, tha se sulmuesit të Borussia Dortmund i mungonte “klasi”, pavarësisht aftësisë së tij në fushë.

32-vjeçari, i cili luan në nivelin e shtatë të futbollit anglez, tha për The Sun: “Asnjëri prej nesh nuk donte fanellën e Haaland, kështu që ne e injoruam atë. Marsin e kaluar, kapiteni ynë Roy Chipolina kërkoi fanellën e Haaland kur u takuam në Gjibraltar.

“Norvegjia fitoi 3-0 por Haaland nuk shënoi, u zëvendësua pas një ore.”

Pasi ata të dy kishin bërë intervista televizive, Roy i tha atij:” Djali im i vogël është një tifoz i juaji masiv, a keni problem të ndërroni fanella? Haaland sapo e shikoi, qeshi dhe u largua! Ai mund të blejë shumë gjëra – por nuk mund të blejë klasin – mbase zhurma e mediave i ka shkuar në kokë.

“Ai pati rastin të bënte ditën e një fëmije të vogël, muajin, vitin, çfarëdo dhe ai tha jo. Kështu që askush nuk e donte fanellën e tij në Oslo. Ndoshta ai e mbajti atë për të shënuar hat-trickun e tij ose i’a dha një tifozi norvegjez sepse ishte ndeshja e tyre e parë në shtëpi me mbështetësit pas “Covid”.

Haaland shënoi një hat-trick në fitoren 5-1 të Norvegjisë në Oslo më 7 shtator për ta afruar vendin e tij më pranë kualifikimit për Kupën e Parë Botërore që nga viti 1998.