Para ndeshjes së Serisë A mes Spezias dhe Lazios, ka ndodhur një përplasje, me gjasë e organizuar, mes huliganëve të dy klubeve, njoftojnë mediat italiane, përcjell lajmi.net.

Madje mediat italiane bëjnë me dije se sherri ka ndodhur diku në fillim të ndeshjes, ndaj duket qartë se këta djem të maskuar dhe etje për gjak nuk janë interesuar realisht për futbollin dhe për të shkuar në stadium.

Nuk ka munguar edhe një video e një sherri të ashpër, një përplasje e drejtpërdrejtë mes huliganëve në një rrugë të ngushtë në pjesën e vjetër të këtij qyteti në Liguria.

Altre immagini degli scontri di #LaSpezia che hanno riguardato i tifosi ospiti e la polizia prima del fischio di inizio di #SpeziaLazio. ? pic.twitter.com/ldvUvfy1qW

— Numero Diez (@NumeroDiez_10) April 14, 2023

Sipas asaj që shihet, në konflikt janë përdorur shufra, breza, pishtarë si arsenal sulmues goditës.

Sipas njoftimit të policisë, janë arrestuar disa huliganë, ndërsa thuhet se njëri ka pësuar një prerje në kokë, por lëndimi është jashtë rrezikut për jetën./Lajmi.net/