Ish ylli i Belgjikës, Franky Van der Elst është shumë i lumtur që do të sheh mesfushorin e Manchester Unitedit, Adnan Januzaj, në Kampionatin botëror në Brazil.

Elst gëzohet që Januzaj ka vendosur të përfaqësojë Belgjikën para Shqipërisë, Kosovës, Anglisë dhe Turqisë.

“Januzaj është futbollist i bukur për ta shikuar, kënaqem me të”, deklaroi ai.

“Në lëvizjet e tij, e shoh veten dhe Robby Rensenbrink. Edhe nëse rrëzohet, prapë duket bukur”, u shpreh ai.

Januzaj, 19-vjeç është përfshirë në listën përfundimtare të selektorit Marc Wilmots për Kampionatin botëror në Brazil.

Belgjika do të luajë në Grupin H me Algjerinë, Rusinë dhe Republikën e Koresë.