Presidentja e Kosovës, Vjosa Osmani, ka treguar se gjatë diskutimeve politike i është ofruar një post ministror, por ajo nuk e ka pranuar.

Gjatë intervistës për Syri me gazetarin Çim Peka, Osmani u pyet nëse i është ofruar pozita e ministres së Arsimit. Ajo u përgjigj:

“Janë diskutuar këto gjëra, por kam thënë se nuk është çështje pozitash. Nuk është që më duhej një pozitë domosdo”.

Presidentja po ashtu tregoi se gjatë kohës kur u konsiderua si kandidate për President, nuk ka marrë përkrahje nga Kryeministri Albin Kurti:

“Më thanë ‘ejani futuni si kandidate formalisht si kundërkandidate e Glauk Konjufcës, dhe të shohim si po rrjedh’. Kur i pyeta pse do të isha unë kundër Glauk Konjufcës dhe a do të kisha përkrahjen tuaj, kjo përkrahje nuk m’u dha”.

Osmani theksoi se pozitat nuk janë prioritet për të dhe se vendimet e saj politike bazohen në interes të shtetit dhe jo në ambicie personale. /Lajmi.net/