Irani ka konfirmuar vdekjen e tre shkencëtarëve të tjerë bërthamorë në sulmet ajrore izraelite që synojnë programin bërthamor dhe udhëheqjen ushtarake të vendit.

Ali Bakai Karimi, Mansur Asgari dhe Said Borji u vranë në sulmet ajrore izraelite, raportoi sot agjencia e lajmeve Tasnim. Kjo e çon numrin e vdekjeve të njohura midis ekspertëve bërthamorë iranianë në të paktën nëntë.

Sipas ligjit ndërkombëtar humanitar, në veçanti Konventave të Gjenevës dhe protokolleve të tyre shtesë, civilëve u garantohet në mënyrë të qartë mbrojtja gjatë konfliktit të armatosur.

Shkencëtarët në përgjithësi klasifikohen si civilë, përveç nëse marrin pjesë drejtpërdrejt në operacione luftarake. Vrasjet e synuara jashtë këtyre kushteve specifike mund të përbëjnë shkelje të ligjeve të luftës.

Izraeli nisi një sulm të madh ndaj Iranit herët dje në mëngjes. Teherani u përgjigj me një valë raketash balistike dhe sulmesh me dronë. Të dyja palët kanë raportuar viktima, raporton KosovaPress.