Yllka, një vajzë shumë e talentuar në pikturë, bën pjesë në mesin e një numri të konsiderueshëm personash në Kosovë me Fibrozë Cistike, pjesë e sëmundjeve të rralla.

Trajtimi i kësaj sëmundje të pashërueshme, është shumë i shtrenjtë. Yllka shpenzon rreth 1700 euro në muaj për medikamentet që i duhen asaj.

Shteti nuk ia siguron këto barna Yllkës dhe personave të tjerë me këtë sëmundje, edhe pse në vitin 2019 ish Ministri i Shëndetësisë, Uran Ismaili, kishte në Listën e Re të Barnave Esenciale i kishte futur barnat për sëmundjet e rralla që tu jepen falas të gjithë pacientëve.

Por, nga ajo ditë, nuk është bërë asnjë hap përpara nga dy ministrat e fundit të shëndetësisë, dhe të gjithë personat me Fibrozë Cistike vazhdojnë të blejnë jashtëzakonisht shtrenjtë barnat e tyre.

Kështu, për të ndihmuar familjen në sigurimin e mjeteve për medikamente, Yllka pikturon dhe nga shitja e tyre mbledh paratë që i duhen.

Një eksopzitë me punimet e Yllkës e ka organizuar sot KultPlus, ku kishte shumë të interesuar për pikturat e saj.

Mysafir ishte edhe ish ministri i shëndetësisë, Uran Ismaili, i cili kritikoi dy pasardhësit e tij që nuk implementuan Listën e Re të Barnave Esenciale për të ndihmuar edhe këta qytetarë që vuajnë nga kjo sëmundje. Ismaili bleu edhe një pikturë të Yllkës për ta ndihmuar kauzën e saj.

“Në ekspozitën e Yllka Letit, artistes 14 vjeçare të talentuar, e cila, fatëkeqësisht vuan edhe nga Fibroza Cistike. Ajo sot pikturon për të siguruar paratë për medikamentet e saj. Si ministër i shëndësisë, unë e kam nënshkruar Listën e Re të Barnave Esenciale e cila mundësonte që shteti të blente barnat për Yllkën dhe 215 fëmijë tjerë me këtë sëmundje. Fatkeqësisht, asnjëra Qeveri që erdhi më pas nuk e kishte vullnetin që ta jetësonte atë listë. Kudo dhe gjithmonë do të avokoj që kjo listë që mbronë nga shpenzimet e larta financiare Yllkën dhe të gjithë të prekurit nga sëmundje të rralla të jetësohet dhe jeta e tyre të lehtësohet.”, ka shkruar Ismaili.