Problemi i Alexandre Lacazette me zërin po del të jetë më serioz sesa është paramenduar.

Ish-futbollisti i Arsenalit do t’i nënshtrohet një operimi në mënyrë që të mos ketë telashe me të folurit.

Intervista e sulmuesit të Lyon-it pas ndeshjes pas humbjes 2-1 të së dielës ndaj Monakos u bë virale në mediat sociale falë zërit të tij të lartë.

L’Equipe pretendon se 31-vjeçari ka pasur vështirësi të flasë që nga fillimi i kësaj vere për shkak të një polipi, një rritje të indeve.

Pavarësisht se është qesharake në pamje të parë, Lacazette thuhet se ka luajtur me ‘dhimbje të forta’ që nga kthimi në Ligue 1.

Ai vendosi të presë deri në pushimin ndërkombëtar për operacion në mënyrë që të ketë kohë për të pushuar para se të kthehet në stërvitje.

Lyon do të përballet me Paris Saint-Germain të dielën dhe pas kësaj vjen pushimi i parë ndërkombëtar i këtij sezoni.

Që nga kthimi në Lyon, Lacazette ka shënuar katër gola në shtatë ndeshje dhe ka ndihmuar skuadrën e Peter Bosz të katapultojë në vendin e pestë në tabelë. /Lajmi.net/