Bad News Eagles kanë humbur nga FaZe dhe janë eliminuar nga turneu më i madh i CS:GO, Majori që këtë vit u mbajt në Paris.

Ekipi shqiptar nga Kosova u mposhtën 2:1 nga ekipi i pestë më i mirë në botë, Faze.

Ndeshjen më mirë e nisën djelmoshat kosovarë duke fituar me diferencë të madhe në mapin e parë, por Faze triumfoi në dy mapat e tjera dhe siguruan plasmanin tutje.

Lojtari i BNE-së, Rigon “rigoN” Gashi reagoi pas elimiminimit në rrjetet sociale, duke u shpreh i zhgënjyer.

“I zhgënjyer 100 për qind, por ne dhamë gjithçka që kishim në këtë fazë. Bëmë një humbje budallaqe dje, por në këtë fazë ne dhamë të gjitha, faleminderit të gjithëve për mbështetjen” – shkroi Rigon “rigoN” Gashi në Twitter./Lajmi.net/

Disappointed, on me 100%, but we gave everything we had in this series, did a stupid loss yesterday but in this series WE GAVE it all, thanks everyone for supporting.. ?❤️

— rigoN (@rigoNcs) May 15, 2023