Deputeti i Lëvizjes Vetëvendosje, Mefail Bajqinovci ka deklaruar se LVV-ja nuk ka vija të kuqe me asnjë parti politike sa i përket bashkëpunimit në nivel lokal dhe se pret përkrahje nga të gjithë.

“Ne në nivelin lokal nuk kemi vija të kuqe për askënd e unë po flas sidomos për në Prishtinë ku jemi në balotazh dhe besoj fuqishëm se do t’i fitojmë zgjedhjet në Prishtinë dhe presim normalisht edhe përkrahjen e pjesës tjetër të qyetarëve që nuk kanë votuar apo kana votuar për parti tjera”, tha ai.

I pyetur se në cilat komuna pret mbështetje nga të tjerët, Bajqinovci u ndal specifikisht në Prishtinë.

“Nuk kam ndonjë evidencë për komuna të tjera por unë flas për Prishtinë ku jam i përfshirë në fushatë unë besoj se partitë e vogla që nuk kanë mbërri të futen në balotazh ta përkrahin LVV-në sepse ka nevojë për ndryshim e dini që kryeqyteti është sot në kolaps total.. dhe unë besoj shumë që ndryshimi po vjen dhe kryetar i kryeqytetit do të jetë Hajrulla Çeku”, tha ai.

“Nga të gjitha partitë që nuk janë futur në balotazh në Prishtinë, nga të gjitha”, tha Bajqinovci edhe kur u pyet për PDK-në.