Ambasadori amerikan Christopher Hill tha se gjatë dialogut ndërmjet Kosovës dhe Serbisë nuk është në tryezë njohja, por normalizimi i marrëdhënieve. Ai gjithashtu theksoi se ajo që është në tryezë është e njohur për të dyja palët dhe se Serbia në thelb e ka pranuar. Siç tha Hill, ka një mirëkuptim për të ecur përpara e që bazohet në marrëveshjet e arritura.

I pyetur për mesazhet që vijnë nga vendet kryesore evropiane si Italia, Gjermania dhe Franca, të cilat përmendin njohjen de facto, Hill thotë se zgjedhja e fjalëve duhet patur parasysh, por edhe se Shtetet e Bashkuara e kuptojnë atë si një histori rreth normalizimit të marrëdhënieve.

“De fakto në fakt do të thotë se ata duan një lloj procesi normalizimi. E di që fjalët janë të rëndësishme. Fjalët janë veçanërisht të rëndësishme në kohën e zgjedhjeve. Megjithatë, nuk dua të futem në lojëra fjalësh. Ajo që po them është se ajo që është në tavolinë, është e njohur për të dyja palët. Serbia në thelb ka pranuar atë që është në të. Ekziston një mirëkuptim për të ecur përpara dhe kjo bazohet në këto marrëveshje. Do të ketë pyetje se si të sigurohet që këto marrëveshje të jenë të qarta, dhe se për të siguruar që radha e detyrimeve të të dyja palëve të jetë njëlloj e qartë. Sinqerisht mendoj se ka pasur shumë progres, por kjo çështje duhet të zgjidhet një herë e përgjithmonë, është në interes të Serbisë dhe të Kosovës”, ka thënë Hill, transmeton lajmi.net.

Hill beson se zbatimi i marrëveshjes është vendimtar dhe se BE-ja do ta vëzhgojë me shumë kujdes çështjen e zbatimit të tyre.

“Unë mendoj se do të shikohet me kujdes, me kujdes. Megjithatë, duke folur si dikush që është marrë me marrëveshjet, mund të them se ndonjëherë mënyra më e lehtë është arritja e një marrëveshjeje. Pjesa e vështirë është se si të renditen kërkesat e të dyja palëve. Pra ,endoj se ka shumë punë për të bërë, shpresoj se mund të arrihet njëfarë progresi, por një gjë, kur je negociator, ndërmjetës si në këtë rast zoti Lajçak, gjëja e fundit që ju duhet është që të bëni është që Ambasadori amerijan t’ju japë sugjerime në Euronews se çfarë të bëni”, thotë Hill për Euronews Serbia.

Ai gjithashtu shton se ngjarjet në Banjskë shkelën besimin e Serbisë fituar me vështirësi dhe se duhet të zbulohet se çfarë ka ndodhur dhe kush është përgjegjës për të.

“Ishte shumë e dëmshme për të gjithë të përfshirët. Pati humbje jetësh, që është e tmerrshme. Mendoj se besimi, i cili u fitua me vështirësi në këtë proces, u dëmtua më tej për shkak të Banjskës”, tha Hill