Havertz e pranon që Premierliga është shumë më e ashpër se Bundesliga, pas debutimit me Chelsean
Kai Havertz pranon se "Premierliga është shumë më e ashpër se Bundesliga" pasi bëri debutimin për Chelsean kundër Brighton.
Sport
Gjëra të mëdha priten nga lojtari gjerman në futbollin anglez, me Frank Lampard që investoi 70 milionë funte besim në 21-vjeçarin e talentuar.
Përshtatja në një mjedis të ri nuk është kurrë e lehtë, veçanërisht për një lojtar kaq të ri dhe Havertz do t’i duhet kohë për të gjetur lojën e tij.
“Ishte një lojë shumë e vështirë, shumë e vështirë sepse kisha pushime të gjata dhe u ktheva dhe stërvita për pesë apo gjashtë ditë me ekipin”, tha Havertz në Evening Standard pasi luajti 80 minuta në fitoren 3-1 ndaj Brighton .
“Më e rëndësishme është që ne fituam, kështu që unë jam shumë i lumtur që debutoj”.
“Premierliga është shumë më e ashpër se Bundesliga. Unë e kam parë atë në stërvitje dhe e kam parë edhe në lojë. Por unë jam i lumtur të luaj 80 minuta dhe shpresoj që javën e ardhshme të vazhdoj”, tha ai. /Lajmi.net/