Haradinaj: Kontributi i Nasuf Mjekiqit për lirinë e atdheut nuk do të harrohet kurrë
Kryeministri në detyrë, Ramush Haradinaj, ka ngushëlluar për vdekjen e ish-ushtarit të UÇK-së, Nasuf Mjekiqi.
Lajme
Në një postim në Facebook, Haradinaj ka thënë se kontributi i tij për lirinë e atdheut nuk do të harrohet kurrë.
“I rëndë lajmi për ndarjen nga jeta, të luftëtarit të Brigadës 114 Fehmi Lladrovci, Nasuf Mjekiqit nga Graboci i Obiliqit. Kontributi i tij për lirinë e atdheut nuk do të harrohet kurrë. Ngushëllime të thella familjes dhe të gjithë bashkëluftëtarëve”, ka shkruar Haradinaj.
Ish-ushtari i UÇK-së, Nasuf Mjekiqi, në moshën 43 vjeçare ka ndërruar jetë në spitalin “Medical Park” të Turqisë.
Veteran i luftës dhe baba i tre fëmijëve, Nasufi ishte diagnostifikuar me sëmundjen “Leucemia Acute” dhe pavarësisht trajtimit të tij jashtë vendit ai sot ndërroi jetë. /Lajmi.net/