Kandidati për kryeministër nga radhët e PDK’së, Bedri Hamza, ka thënë se kjo situatë aktuale në vend po i konvenon Vetëvendosjes për shkak se e njëjta nuk i ka numrat për Qeveri.

Ai ka thënë se nëse VV do t’i kishte votat për Qeveri do t’i kishte edhe për kryetar të Kuvendit.

“Për kujt po i konvenon dhe kush po e bën po dihet. Kjo s’ka cka diskutohet. Nëse një parti politike, po ta jep mbështetjen për 40 deputetë, cilindo prej tyre po ta përkrahi, nuk je duke e shfrytëzu këtë përkrahje pa kurrfarë marrëveshje politike – atëherë ke qëllim bllokimin e institucioneve për shkak se nuk i ke numrat me i bë qeverinë. E di që s’i ka numrat për Qeveri, me i pasë numrat do i kishte edhe për Kryetar të Kuvendit“, deklaroi Hamza në Debat Plus.