Zinchenko ishte njëri nga lojtarët kryesorë të Manchester Cityt në ndeshjet gjysmëfinale të Ligës së Kampionëve, shkruan lajmi.net.

Guardiola pati vetëm lëvdata për ukrainasin, strategu spanjoll vlerësoi lartë qëndrimin e Zinchenkos ku sipas tij ai nuk ankohet kurrë edhe pse luan një pozitë tjetër nga mbrojtësi i majtë.

“Ai ka luftuar shumë për të qenë këtu në City, një transferim u mundësua por ai tha jo ‘dua të jem këtu’. Kjo do të thotë shumë për të, ai rrallë herë gabon, kur i tregon diçka, e kupton menjëherë”, tha ai.

“Ai është gjithmonë i fokusuar dhe i koncentruar. Të jesh një mbrojtës i majtë kundër lojtarëve si Salah, Rashford dhe Di Maria është gjëja më e vështirë por ai nuk bën gabime. Edhe kur ka topin është fantastik”, tha Guardiola.

“Në një mbrojtje me katër, qëja më e rëndësishme është të mos bësh gabime, ndërsa Zinchenko është stabil në këtë aspekt, ja pse ai meriton të luajë”, përfundoi Pep Guardiola./Lajmi.net/