Guardiola i përgjigjet Zidanes
Pep Guardiola iu është përgjigjur deklaratave të Zinedine Zidane, i cili e kishte cilësuar trajnerin spanjoll si më të mirin në botë.
Sport
Të dy këta trajnerë, do të takohen mes vete, kur Real Madrid pret Manchester Cityn në ‘Santiago Bernabeu’.
“Për mua, Pep është trajneri më i mirë në botë, ai këtë e ka dëshmuar te Barcelona, Bayern Munich dhe Manchester City”, kishte deklaruar Zidane, përcjell lajmi.net.
Rreth kësaj deklarate, ka folur Pep Guardiola, në konferencën për shtyp para sfidës me Realin.
“Unë e vlerësoj atë që ka thënë, por kurrë asnjëherë nuk kam aspiruar të jem më i miri në botë. Unë mendoj se atë që kanë bërë Zidane dhe Real Madrid, në Evropë nuk do të arrihet kurrë më. Ai ka fituar tri herë radhazi Ligën e Kampionëve”, ka thënë Guardiola./Lajmi.net/