Grand Slam Paris: Nora Gjakova fiton medalje bronzi
Xhudoja kosovare po vazhdon të shkëlqejë në arenën ndërkombëtare.

Sport
Në Grand Slam të Parisit, në kategorinë -57 kilogramë, Nora Gjakova ka arritur të fitojë medalje bronzi, shkruan lajmi.net.
Gjakova e nisi shumë mirë këtë turne, duke fituar duelin e parë kundër Alexandra-Larisa Florian.
Pas saj, radha ishte për francezen Priscilla Gneto, e cila gjithashtu u gjunjëzua nga luftëtarja kosovare.
Gjakova humbi garën kundër portugezes Telma Montiero, duke humbur garën për medaljen e artë, por pati mundësi që të vazhdonte në ‘Repechage’, për të synuar medaljen e bronztë, shkruan lajmi.net.
Në ‘repechage’, Nora pati përballë francezen Sarah Leonie Cyique, të cilën e kaloi me sukses, duke e mposhtur me IPPON, për të marrë me vete një medalje bronzi nga ky kompeticion.
Kujtojmë se në të njëjtin kompeticion, por në kategorinë -52 kg, Distria Krasniqi fitoi medalje ari. /Lajmi.net/