Një grabitje ka ndodhur sot rreth orës 16:00, në një institucion mikrofinanciar në rrugën “Robert Doll” në Prishtinë.

Rastin për lajmi.net, e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti ka thënë se nga informacionet e para, dyshohet se një person nën kërcënim të armës ka grabitur një shumë parash.

Teksa policia ende është në kërkim të të dyshuarit.

“Sot rreth orës 16:00 është raportuar për një grabitje të ndodhur në një institucion mikrofinanciar në rrugën “Robert Doll” në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se një person i dyshuar nën kërcënim të armës ka grabitur një shumë parash. Aktualisht policia po kryen veprimet e nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar”, ka thënë Ahmeti. /Lajmi.net/