Ai ka kërkuar që palët të zbatojnë marrëveshjen e armëpushimit arritur në Minsk më 5 shtator, mes Rusisë, Ukrainës dhe rebelëve pro-rusë.

Steinmeier këto komente i ka bërë të hënën gjatë vizitës zyrtare në Kazakistan, raporton RFE.

“Fatkeqësisht, situata është përsëri shumë serioze. Duhet të kërkojmë nga të gjitha palët e përfshira në konflikt, përfshirë edhe Rusinë, që të i kthehen marrëveshjes së armëpushimit”, ka thënë Steinmeier.

Së fundi, është raportuar për intensifikim të shpërthimeve në Donetsk të Ukrainës.

Një ditë më parë Shtetet e Bashkuara dhe Bashkimi Evropian kanë shprehur shqetësimet e tyre lidhur dërgimin e konvojëve me armë dhe trupave në lindje të Ukrainës, të cilat zyrtarë ukrainas kanë thënë se vijnë nga Rusia.