Një 43 vjeçar është gjetur pa shenja jete sot në një objekt banimi në fshatin Llapçevë të Malishevës.

Lajmin e ka konfirmuar zëdhënësja e Policisë në rajonin e Gjakovës, Vlera Krasniqi.

Ajo ka thënë se në vendngjarje është gjetur një armë e shkurtër.

“Më datë 13 shkurt 2025, rreth orës 14:00, kemi pranuar informacion se në fshatin Llapçevë, Komuna e Malishevës, një person mashkull i moshës 43 vjeç është gjetur pa shenja jete në një objekt banimi. Njësitë relevante të policisë dhe ekipi mjekësor kanë dalë në vendin e ngjarjes, ku është konstatuar vdekja e viktimës dhe poashtu është gjetur një armë e shkurtër. Lidhur me këtë rast është njoftuar dhe prokurori i shtetit ku me urdhër të tij është inicuar rast ” Hetim i vdekjes” dhe trupi i viktimës është dërguar në IML”, ka thënë Krasniqi për lajmi.net. /Lajmi.net/