Trajneri i Real Madrid, Carlo Ancelotti është paraqitur në konferencë për media para ndeshjes së nesërme ndaj Real Sociedad, e vlefshme për javën e 33 në La Liga.

Ancelotti fillimisht foli për gjendjen e mesfushorit, Luka Modric, për të cilin dha një lajm të befasueshëm, shkruan Lajmi.net

“Kemi lajme pozitive nga Modric, ai mund të luaj të shtunën”, tha fillimisht trajneri italian.

I pyetur nga gazetarët në lidhje me Barcelonën dhe luftën për titull, Carlo në njëfar mënyre u “dorëzua”, duke thënë se klubi i Xavit e meriton titullin.

“Nëse Barcelona e fiton titullin këtë sezon, kjo i bie se ata e merituan”, vazhdoi tutje Carlo Ancelotti.

Kujtojmë që Real Madrid nesër luan ndaj Sociedad, kurse gjatë vikendit zhvillon finalen e madhe të Kupës së Mbretit ndaj Osasunës./Lajmi.net/

??️| Carlo Ancelotti: “We have GOOD news with Modric. He may be ready for the Saturday’s game.” #rmalive ✅ pic.twitter.com/pUGp8LSl7e

— Madrid Zone (@theMadridZone) May 1, 2023