Sipas shumë trajnerëve dhe ekspertëve të fitnesit, ka disa gabime të cilat shumica e njerëzve i bëjnë në palestër, e të cilat ua pamundësojnë atyre suksesin, transmeton Telegrafi.

Mes këtyre gabimeve mbetet edhe rutina e ushtrimet fizike.

Filloni t’i ndryshoni ushtrimet të cilat i bëni

Sandy Macaskill, trajner personal, thotë se shumica e njerëzve nuk e kuptojnë se për ta ndryshuar trupin, duhet ta ndryshojnë edhe rutinën ushtrimore.

Njerëzit vazhdimisht e bëjnë të njëjtin ushtrim, me të njëjtin ritëm, me të njëjtën peshë, dhe brengosen se përse nuk po korrin suksese.

Ai tregon se trupi mësohet me atë që ia kërkoni ta bëjë trupi dhe pastaj fillon të mos i përgjigjet ushtrimeve që i bëni.

Pra, trajnerët rekomandojnë të bëni ushtrime të ndryshme, t’i ndryshoni peshat dhe të kaloni më shumë kohë nën tension të muskujve.