Kampioni britanik i WBC në peshat e rënda në boks, Fury ka paralajmëruar se do të pensionohet nga boksi, por këto fjalë nuk po besohen shumë nga fansat.

Megjithatë, së fundmi ‘Gypsy King’ ka dhënë disa komente që kanë nxitur përsëri reagime.

“Përshëndetje, është ‘Gypsy King’ këtu. Kam lajme fantastike së shpejti. Qëndroni të lidhur”, ka thënë Fury, transmeton lajmi.net.

Lidhur me të ardhmen e Fury ka folur edhe presidenti i WBC, i cili ka thënë se do të përkrahin secilin vendim që merr britaniku.

Mbetet të shihet nëse boksieri do të joshet nga një luftë për unifikimin e titujve që të vazhdojë karrierën e tij. Ai deri më tani është i pamposhtur. /Lajmi.net/