Një stërvitje komplekse në kushte të vështira moti e terreni ka përfunduar sot nga ushtarë të FASh-it dhe të FSK-së bën të ditur Ministria e Mbrojtjes në Shqipëri.

Në njoftimin e lëshuar thuhet se është dëshmuar fryma e bashkëpunimit dhe profesionalizmit.

“Kursantët treguan përkushtim dhe aftësi të larta operacionale, duke përmbushur me sukses detyrat speciale të kërkuara nga misioni i Batalionit Komando”.

Stërvitja përfshiu:

Testimin e kapaciteteve dislokuese dhe aftësive fizike e psikologjike.

Marshim 42 km me pajisje, kalim i vijës së frontit, zbulim dhe goditje objektivi, mbijetesa dhe rikthimi në zonën e sigurt.