Adnan Januzaj nuk pritet të jetë titullar për Belgjikën në ballafaqimin e sotëm me Rusinë, në kuadër të rrethit të dytë në Grupin H të Kampionatit botëror në Brazil.

Mesfushori i talentuar nuk u inkuadrua fare në lojë në fitoren 2:1 ndaj Algjerisë dhe nuk do të jetë pjesë e disa ndryshimeve në formacionin bazë që pritet të bëhen nga selektori Marc Wilmots.

Mirëpo, ylli i Manchester Unitedit mund të inkuadrohet në lojë si rezervist, varësisht nga rrjedha e ndeshjes. Këto janë formacionet e mundshme të skuadrave:

Belgjikë (4-3-3): Courtois; Alderweireld, Van Buyten, Kompany, Vertonghen; Fellaini, Witsel, Defour; De Bruyne, Lukaku, Hazard.

Rusi (4-2-3-1): Akinfeev; Eshchenko, Berezutskiy, Ignashevich, Kombarov; Denisov, Fayzulin; Samedov, Kokorin, Dzagoev; Kerzhakov.