Fitore shqiptare për Zvicrën, që shkatërron Islandën në Ligën e Kombeve
Zvicra dhe Islanda u përballen në kuadër të Ligës së Kombeve, në ndeshjen të cilën thuajse luajti vetëm njëra kombëtare.
Sport
Zvicëranet e fituan takimin me rezultatin 6:0, duke mos i dhënë as edhe një rast të vetëm islandezëve.
Llogarinë e golave e hapi Steven Zuber me golin e shënuar në minutën e 13’ pas një asisti të pranuar nga Rodriguez.
Vetëm 10 minuta më vonë ishte Denis Zakaria, i cili dyfishoi epërsinë ndaj një Islande që nuk jepte sheja që ishte në fushë.
Pjesa e dytë pritej të sillte një Islandë tjetër por kjo nuk ndodhi.
Në minutën e 53’ ishte Xherdan Shaqiri që nga një gjuajtje e lirë realizoi golin e tretë për Zvicrën.
Minuta e 67’ solli golin e katërt dhe të parin për Haris Seferovic.
Ishte Albian Ajeti që pas 6 minutash lojë (71’), shënoi golin e parë në fanellën e Zvicrës për të shënuar edhe golin e pestë për zvicëranët.
Llogaria u mbyll nga Admir Mehmedi në minutën e 82’, për fitoren e thellë 6:0 në favor të Zvicrës.
Fillim i mbarë i “helvetikëve” nën drejtimin e Xhakës si kapiten. /Lajmi.net/