Vetura Rolls-Royce Boat Tail kushton rreth 28 milionë dollarë, ndërsa “shumë” prapa saj është Buggati La Voiture Noire me një çmim prej 18.7 milionë dollarë.

Por të dy ekzotikët evropianë së bashku nuk janë askund pranë shumës së caktuar më 2018 për Ferrari 250 GTO me numrin e shasisë 4153GT.

Pastaj David MacNeil bleu klasiken italiane për 70 milionë dollarë, duke e bërë Ferrari 250 GTO veturën më të shtrenjtë në botë. U prodhuan vetëm 36 kopje, kështu që çmimi nuk është një surprizë e madhe.

Sidoqoftë, një yutuber nga Vietnami vendosi të bëjë një Ferrari 250 GTO miniaturë nga druri për djalin e tij, dhe ajo duket fantastike.

I gjithë procesi zgjati 70 ditë, përfshirë krijimin e kornizës, bashkimin e tij me trupin, formësimin e tij dhe shumë më tepër.