Presidenti rus Vladimir Putin ka rënë dakord të përfshijë një klauzolë mbrojtjeje kolektive në një marrëveshje të mundshme paqeje për Ukrainën për herë të parë.

I dërguari i SHBA-së Steve Witkoff tha në një intervistë me CNN se marrëveshja ishte hartuar si një zgjidhje alternative për vijën e kuqe të Rusisë – anëtarësimin e Ukrainës në NATO.

“Në vend që të bashkoheshin zyrtarisht me Aleancën, SHBA-të dhe vendet evropiane do të ofronin garanci sigurie me një formulim “të ngjashëm me Nenin 5″, i cili i detyron të gjithë anëtarët të mbrojnë njëri-tjetrin. Ne ramë dakord që Shtetet e Bashkuara dhe vendet e tjera evropiane mund të ofrojnë formulime të ngjashme me Nenin 5 si pjesë të garancisë së sigurisë,” tha Witkoff.

Ai shtoi se Putin e kishte bërë të qartë se anëtarësimi i Ukrainës në NATO ishte i papranueshëm, por se negociatat kishin filluar nga supozimi se ukrainasit mund të bien dakord për një alternativë, transmeton KosovaPress.

“Gjithçka varet nga ajo me të cilën mund të përballojnë ukrainasit. Por duke u nisur nga kjo, ne arritëm të merrnim këtë lëshim – që Shtetet e Bashkuara të mund të ofronin mbrojtje të ngjashme me Nenin 5”, tha ai.

Deri më tani, as presidenti rus dhe as zyrtarë të tjerë nuk kanë komentuar publikisht mbi interpretimin e administratës Trump për negociatat.