Dy lojtarë të Juventusit ende nuk janë kthyer në Itali
Gonzalo Higuain dhe Adrien Rabiot nuk janë rikthyer nga Argjentina dhe Franca përkatësisht përpara rifillimit të stërvitjes së Juventusit.
Sport
Dy lojtarët e Juventusit po punojnë individualisht, por mungesa e tyre po ngjall polemikë në Itali.
Sipas La Gazzetta dello Sport, Higuain u kthye në Argjentinë për të qenë pranë nënës së tij, e cila po vuan nga kanceri, megjithatë Bianconeri janë të shqetësuar për vonesën e Rabiot, përcjell lajmi.net.
Cristiano Ronaldo, Sami Khedira, Miralem Pjanic, Alex Sandro, Danilo, Douglas Costa, Wojciech Szczesny, Blaise Matuidi dhe Matthijs de Ligt ishin lojtarët e tjerë të Juventusit që u larguan nga Italia pas shpërthimit të koronavirusit, por ata të gjithë janë rikthyer në Torino. /Lajmi.net/