Në Gjilan, Drita ka mposhtur 4:1 Drenicë, shkruan lajmi.net.

Skuadra e Ardian Nuhiut pati një pjesë të parë të jashtëzakonshme, duke shënuar tri gola.

Bujar Shabani në minutën e 2’, Hamdi Namani në minutën e 20’ dhe Kastriot Rexha në minutën e 44’, shënuan për Dritën në pjesën e parë.

Golin e vetëm për Drenicën e shënoi Baton Zabërgja, në minutën e 47’.

Rezultatin përfundimtar të ndeshjes e vendosi Betim Haxhimusa, që në minutën e 81′ shënoi për 4:1.

Me këtë fitore Drita numëron 13 pikë, për t’u renditur në vendin e dytë./Lajmi.net/