Mesfushori gjerman i Bayer Leverkusen, Kai Havertz, është lojtari që po lidhet me transferimin e mundshëm te Chelsea.

Tash e disa javë, Chelsea shënjohen si favoritët për të transferuar lojtarin premtues, megjithatë deri më tani nuk ka ndonjë ofertë zyrtare.

Kështu të paktën bën të ditur drejtori i Leverkusen, Simon Rolfes.

“Deri më tani nuk kemi ndonjë ofertë. Ne e dimë për interesimin e skuadrave, por nuk ka ofertë zyrtare”, ka thënë Rolfes, transmeton lajmi.net.

“Kemi thënë disa herë se do të mbyllim sezonin me skuadrën aktuale. Kjo përfshinë Kai”, ka shtuar drejtori i Leverkusen.

Mbetet të shihet nëse Chelsea ndërkohë do të nis ndonjë ofertë drejt zyrave në ‘BayArena’, pasi thuhet se marrëveshja personale me lojtarin ekziston. /Lajmi.net/