Ylli brazilian i Juventus, Douglas Costa, duket se ka mbetur i mahnitur nga puna me njërin prej më të mirëve në histori, Cristiano Ronaldo.

Ronaldo shquhet si një prej lojtarëve më punëtor, por sipas Costa, puna nga afër me të, është shumë e vështirë dhe thuajse e pamundur për tu ndjekur.

“Është e pamundur ta ndjekësh Cristianon në stërvitje. Kur ne arrijmë, ai është aty duke u stërvitur, kur ne largohemi, ai qëndron akoma” ka thënë Costa, transmeton lajmi.net.

“Nuk kam parë kurrë ndonjë lojtar si ai” ishin fjalët e brazilianit.

Costa dhe Ronaldo kanë qenë startues në formacionin e Maurizio Sarri, duke arritur të kuptohen mjaft mirë dhe duke marr pikët maksimale për skuadrën e tyre. /Lajmi.net/