Dorëzohet ministri Spadafora, Serie A rivlerëson vendimin për stërvitjet
Ministri i Sportit në Itali, Vincenzo Spadafora, është dorëzuar para skuadrave të Serie A.
Sport
Qeveria italiane kishte vendosur që të shtyjë rikthimin e skuadrave italiane në stërvitje, përtej datës 4 maj.
Vendimi i njoftuar nga Vincenzo Spadafora kishte hasur në kundërshtime të mëdha nga skuadrat. Madje, së fundmi, ai është “shfuqizuar” krejtësisht.
Ishte fillimisht regjioni Emilia-Romagna që vendosi të hapte qendrat për atletët profesionistë, pastaj edhe regjione si Lazio e Campania.
Pas këtyre vendimeve, në Itali raportojnë se ministri Spadafora ka kërkuar që të lejohen të gjitha skuadrat që të stërviten, transmeton lajmi.net.
Të gjitha skuadrat italiane pritet të kenë dritën e gjelbër për rikthim në stërvitje, duke filluar nga e hëna.
Deri më tani, skuadra si Roma, SPAL, Bologna, Sassuolo e Parma kanë konfirmuar se do të kthehen në stërvitje qysh në fillim të javës së ardhshme (nesër ose nga e marta). /Lajmi.net/