Superliga Evropiane do të përfshijë klubet më të mëdha evropiane, të cilat fillimisht do të kenë në dispozicion një projekt financiar prej 6 miliardë eurosh.

I gjithë projekti mbështetet nga FIFA dhe aktualisht po zhvillohen negociata me më shumë se 12 klube nga Anglia, Italia, Spanja, Gjermania dhe Franca.

Liga pritet të ketë 18 klube dhe të luhet në “termat klasikë për futbollin evropian”, me fillimin të planifikuar për në vitin 2022.

E përditshmja “AS” në edicionin e sotëm zbuloi listën e klubeve që do të përbëjnë Superligën.

Liverpool, Manchester United, Arsenal, Chelsea, Manchester City dhe Tottenham nga Anglia, më pas Barcelona, ​​Real Madrid dhe Atletico Madrid nga Spanja, si dhe PSG, Juventus, Milan, Inter dhe Bayern Munich. /Lajmi.net/