Juan Mata beson se bashkëlojtari i tij tek Spanja, Diego Costa, do të shkëlqejë në Premierligë, pasi pret ta kompletojë transferimin në Chelsea.

Sulmuesi pritet t’i bashkohet ekipit të Jose Mourinhos për 43 milionë euro pasi i kaloi testet mjekësore të mërkurën.

Futbollisti i Manchester Unitedit është i sigurt se sulmuesi i Atletico Madridit do të shkëlqejë në futbollin anglez.

“Ia uroj atij më të mirën. Ai është sulmues i cili mund të përshtatet mjaft mirë në futbollin anglez, sepse ka energji dhe fuqi. Ai është tipi i lojtarit që mund të shkëlqejë këtu, por për momentin është ende lojtar i Atleticos”, deklaroi Mata, i cili në të kaluarën kishte luajtur në Chelsea.

Spanjolli e ka pranuar se është krenar që bën pjesë në Botëror me Spanjën dhe zotohet se do ta japë maksimumin për ta ndihmuar “Stuhinë e Kuqe” të triumfojë edhe në këtë eveniment.