Të mbrohesh në një ndeshje futbolli – kjo është ajo që Diego Simeone dje e çoi në një tjetër nivel, në ndeshjen ndaj Manchester City.

Atletico Madrid ngjasonte me Chelsean e Di Mateos, që luante përballë Barcelonës.

Skuadra ‘Rojiblancos’ ka vendosur mbrëmë rekord të zi, duke mos regjistruar asnjë gjuajtje drejt portës në ndeshjen ndaj Man City, përcjell lajmi.net.

Madrilenët janë kështu skuadra e parë në 10 vitet e fundit në CL që bëjnë një gjë të tillë.

Përkundër një pozicionimi 5-5 dhe qasje ultra-defensive, Atletico u mposht 1:0 në ‘Etihad Stadium’. Simeone synon që me taktika të tjera të rikthejë situatën në favor, në ndeshjen e kthimit në ‘Wanda Metropolitano’. /Lajmi.net/