Cortana vjen në celularët Android gjatë muajit korrik
Një version beta i Cortana-s do të lansohet gjatë muajit korrik për t’u testuar si pjesë e kompjuterëve me Windows 10. Windows 10 do të lansohet më 29 korrik, por gjatë të njëjtit muaj pritet që asistenti digjital me zë i Microsoft të lansohet edhe për celularët Android.
Auto & Tek
Cortana do të lidhet me llogaritë e përdoruesve të Microsoft për të mbajtur të dhënat të përditësuara vazhdimisht.
Asistenti digjital do të jetë në gjendje të punojë me PC, Xbox One dhe platforma të celularëve, transmeton Lajmi.net.
Cortana për Android do të lansohet e plotë gjatë fundit të këtij viti. Në ndërkohë, përdoruesit e celularëve Android do të mund ta provojnë versionin beta.
