Conte: Unë fitova Premierligën në vititn e parë – Klopp dhe Guardiola nuk e kanë bërë këtë
Antonio Conte ka dhënë disa komente interesante, duke insistuar se është trajner më i mirë sesa Pep Guardiola e Jurgen Klopp.
Sport
Conte ka folur lidhur me aventurën e tij në Premierligë, duke përmendur edhe të arriturat e Jurgen Klopp e Pep Guardiola.
Trajneri italian ka përmendur faktin se ai ka fituar Premierligën në sezonin e tij të parë në Angli, kurse Klopp e Guardiola nuk kanë arritur një gjë të tillë.
“Te Chelsea, unë kam fituar Premierligën në vitin e parë dhe Kupën FA në vitin e dytë” ka thënë Conte, transmeton lajmi.net.
“Klopp nuk ka fituar akoma asgjë në Angli pas katër viteve, kurse Guardiola nuk fitoi asgjë në vitin e parë” ka shtuar italiani.
Conte ka përfunduar aventurën e tij në Premierligë dhe tashmë është kthyer në Serie A për të garuar për Scudetto, ku në rast se fiton me Inter, për skuadrën e tij do të ishte hera e parë që nga viti 2010. /Lajmi.net/