Klubi francez e di që lojtari nuk do rinovojë kontratën që i skadon në qershor, por kjo nuk i ka penguar të kërkojnë vlerën e lartë prej 230 milionë euro, transmeton lajmi.net.

Gazetari i Sky Sports, Matteo Moretto ka zbuluar se PSG kërkon hiq më pak se 230 milionë euro që ta lejojë francezin të largohet këtë vikend.

“Burimet pranë negociatave besojnë se PSG është duke kërkuar për 230 milionë euro”, shkroi ai.

Fuentes cercanas a la negociación creen q el PSG pide 230 millones de euros. https://t.co/2UzTbCVODM

— Matteo Moretto (@MatteMoretto) August 26, 2021

Ndërkohë, Real Madrid ka ofruar 180 milionë euro, derisa klubi francez ende nuk ka kthyer përgjigje zyrtare.

Presidenti i PSG-së, Nasser Al-Khelaifi para disa orëve tha se Mbappe nuk largohet, mirëpo mediat raportojnë se e ka pasur fjalën për ofertën e parë që ishte 160 milionë euro.

Real Madrid e ka bërë të qartë se nuk ofron më shumë se 180 milionë euro, andaj mbetet të shihet nëse PSG do pranojë ta shesë tani, apo të pres edhe një edicion që ta lejojë të largohet si agjent i lirë./Lajmi.net/