Paris Saint-Germain ka marrë tri pikë që e çojnë në fazën tjetër të Champions League, në një mbrëmje ku shkëlqeu Lionel Messi.

PSG ka shënuar fitore me rezultatin 7:2, për të marrë tri pikë dhe vendin e parë në grup, së paku deri në përballje me Benfican, shkruan lajmi.net.

Parisienët e nisën mbrëmjen me golin e Lionel Messi, i cili shënoi në minutën e 19’.

Mbappe çoi shifrat në 2:0 në minutën 32’, kurse në minutën e 35’ e gjeti golin edhe Neymar.

Maccabi reagoi me Seck në minutën e 38’, por shpresat e tyre u shuan kur Messi shënoi një tjetër gol, në minutën e fundit të pjesës së parë.

Seck tentoi të rikthente përsëri në lojë Maccabin në minutën e 50’ kur shënoi për 4:2, por vetëm nervozoi kampionët e Francës.

PSG deri në fund shënoi me Mbappe, Soler e Goldberg (autogol). Ata numërojnë 11 pikë pas kësaj fitore, kurse Maccabi mbetet me tri pikë. /Lajmi.net/