Ish-deputetja e PDK-së, Vlora Çitaku, ka shkruar për përvjetorin e vrasjes së Fehmi Aganit.

Ajo ka thënë se Agani ka qenë ndërtues i urave në mes të njerëzve, dialogut dhe vizionit.

“Në kohët më të vështira, ai besoi te fjala, te arsyeja dhe te e drejta jonë për liri. Trashëgimia e tij mbetet udhërrëfyese për shtetin tonë”, ka shkruar Çitaku.

Postimi i plotë:

Më 6 maj 1999, forcat serbe ekzekutuan profesor Fehmi Aganin.

Profesor Agani ishte ndërtues i urave mes njerëzve, njeri i dialogut dhe i vizionit. I bekuar me mendje brilante dhe zemër të pastër, ai luajti rol udhëheqës në rezistencën tonë paqësore gjatë viteve 1990, duke i dhënë zë urtësisë, dinjitetit dhe qëndresës së Kosovës.

Në kohët më të vështira, ai besoi te fjala, te arsyeja dhe te e drejta jonë për liri. Trashëgimia e tij mbetet udhërrëfyese për shtetin tonë.

Lavdi e përjetshme profesor Fehmi Aganit.