Meqenëse vendosi të mos rinovojë kontratën që i skadoi në verë në “Camp Nou”, Dembeles iu kërkua që të gjejë klub tjetër dhe të largohet në mesin e sezonit, transmeton lajmi.net.

Chelsea me trajnerin Thomas Tuchel që kishte punuar në të kaluarën te francezi, ishin të lidhur me 24-vjeçarin.

Sipas “Sport”, kampioni i Evropës ishte gati të paguante 10 milionë euro plus bonuset për të siguruar shërbimet e Dembeles në janar.

Sidoqoftë, Dembele nuk pranoi të largohet nga Barcelona në janar, ngase preferoi të qëndronte deri në verë, pastaj të sheh të gjitha ofertat nga klubet e mëdha evropiane.

Raporti shton se përpos Chelseas, Man United, PSG dhe Juventus duan shërbimet e francezit./Lajmi.net