Linja iPhone 13 përfshin ngjyra të reja dhe ndryshime në dizajn që u japin telefonave një përmirësim në krahasim me modelet e iPhone 12 të vitit të kaluar, shkruan Cnet.

Të katër modelet – një iPhone 13 bazë, një Mini, një Pro dhe një Pro Max – shfaqin ndryshime si një dizajn ndryshe, jetë më të mirë të baterisë dhe ndryshime në kamera, transmeton lajmi.net.

Më poshtë ju sjellim disa nga ndryshimet që do të gjeni në linjën iPhone 13 në krahasim me iPhone 12.

Ngjyrat e iPhone 13 dhe 13 Mini:

I bardhë

I zi

Blu

Rozë

I Kuq

Ngjyrat e iPhone 13 Pro dhe 13 Pro Max:

Argjend

Grafit

E Artë

Sierra blu

Madhësitë e iPhone 13:

iPhone 13 Mini: 5.4-inç

iPhone 13: 6.1-inç

iPhone 13 Pro: 6.1-inç

iPhone 13 Pro Max: 6.7-inç

Madhësitë janë të njëjta me iPhone 12, por vijnë pak më të trashë dhe më të rëndë. Gjithashtu pjesa e sipërme në ekran (ku ndodhet kamera e përparme) është më e vogël.

Një ekran 120Hz

Siç ishte parashikuar, dy modelet e iPhone 13 Pro kanë një ekran 120Hz. Numri i hercëve që një ekran i telefonit mund të shfaqë i referohet numrit të kornizave të tij në sekondë, i cili përcakton sa i shpejtë dhe i qetë ndihet ekrani kur jeni duke lëvizur nëpër aplikacione dhe faqe në internet.

Shumë njerëz prisnin të shihnin iPhone 12 me një ekran 120Hz, pasi disa telefona të fundit, përfshirë Samsung Galaxy S21 dhe OnePlus 8 Pro, e kanë këtë veçori. Por iPhone 12 kishte një ekran 60Hz. Në Twitter, analisti i teknologjisë, Jon Prosser pohoi se vendimi për të mos zbatuar 120Hz në iPhone 12 Pro u mor për shkak të problemeve të jetës së baterisë, pasi 5G shkarkon shumë bateri. Por kjo ka të ngjarë të jetë më pak problem në iPhone 13, i cili ka një jetë më të gjatë të baterisë.

Një bateri më jetëgjatë

Të katër modelet e iPhone 13 kanë bateri më jetëgjata sesa homologët e tyre të iPhone 12. Kjo vjen nga një kombinim i një baterie më të madhe, iOS 15 dhe çipit A15 Bionic.

Por sa më gjatë do të zgjasin bateritë e telefonave të rinj në krahasim me homologët e tyre iPhone 12?

iPhone 13: 2.5 orë

iPhone 13 Mini: 1.5 orë

iPhone 13 Pro: 1.5 orë

iPhone 13 Pro Max: 2.5 orë

IPhone-et e rinj gjithashtu kanë një ‘Modalitet të të Dhënave’ Smart që kalon automatikisht në LTE kur 5G nuk është e nevojshme. /Lajmi.net/