Pas suksesit të jashtëzakonshëm të filmit ‘The Fault in our Stars’ nga libri me të njëjtin emër të autorit John Green, tani edhe bestselleri tjetër i tij menjëherë do realizohet në film.

‘Paper Towns’ është libri tjetër nga Green i cili po pëlqehet shumë nga lexuesit dhe për javë të tëra ka qëndruar në krye si libri më i shitur i javës. Tani gjithçka duket të jetë gati për të filluar edhe xhirimet e filmit dhe aktorët kryesorë janë gjetur.

Qysh nga xhirimet e filmit ‘The Fault in our Stars’, Green dhe produksioni kanë vendosur që Nat Wolff i cili ka pasur rolin e shokut të Augustus, këtu të jetë në rolin kryesor, por befasi e madhe është përzgjedhja e aktores.

Duket se supermodelja Cara Delevingne është përzgjedhur të luajë rolin e Margos, është vetë autori i librit që ka lajmëruar këtë, duke shkruar në Twitter: ‘Audicioni i Cara Delevingne na ka mahnitur të gjithëve, ajo e kupton Margon shumë mirë’.

Megjithëse ai duket të jetë i kënaqur, kritikët dhe fansat e librit nuk e kanë pritur shumë mirë këtë lajm, sidomos pasi në filmin e parë në rolin kryesor ka qenë aktorja e dashur Shailene Woodley, dhe në film ka bërë një aktrim fenomenal