Ca hile psikologjike që do t’ju hyjnë në punë!

Njerëzit janë krijesa të çuditshme dhe të komplikuara.

Lifestyle

02/08/2020 18:46

Ky fakt, mund ta vështirësojë disi socializimin, nëse nuk keni studiuar aspekte të psikologjisë njerëzore. Duke u njohur me disa të vërteta të thjeshta psikologjike se si funksionojnë mendjet tona, ju mund ta ndihmoni veten për të patur më shumë sukses në një intervistë pune, gjetjen e dashurisë dhe marrjen e asaj që dëshironi në jetë.

Zotërimi i këtyre njohurive do t’ju japë një avantazh të madh në çdo situatë mbi shumicën e njerëzve, duke ju bërë më instiktiv dhe të kapshëm ndaj detajeve.

– Kontrolloni ngjyrën e syve të përsonit me të cilin po komunikoni

Studime shkencore tregojnë se mbajtja e kontaktit me sy vetëm pak më gjatë sesa pjesa tjetër e njerëzve natyrshëm rrit menjëherë sharmin tuaj. Për të “mashtruar” veten në përdorimin e këtij studimi, kontrolloni thjesht ngjyrën e syrit të personit që po takoni. Kjo do t’ju bëjë më të pëlqyeshëm tek ata. Sigurohuni mos t’i hapni shumë sytë kur të bëni këtë veprim, pas situata do bëhet e sikletshme. Silluni sa më natyrshëm.

– Përtyp çamçakëz për t’u qetësuar

Do bëni diçka që ju bën të tensionuar apo nervoz? Provoni të përtypni çamçakëz teksa e bëni. Në këtë mënyrë, ju jeni duke “mashtruar” trurin tuaj se jeni në një moment të rehatshëm të ditës. Në vend që të jeni në panik (gjë e cila ju merr shumë energji), truri juaj arsyeton se për shkak se jeni duke bërë diçka tjetër (duke përtypur çamçakëz), ju nuk duhet të jeni të shqetësuar apo nervoz.

–  Shmangni zemërimin duke u ulur pranë atij personi

Psikologjikisht, rezulton se është shumë më e lehtë të shkarkosh zemërimin tënd ndaj dikujt që është fizikisht larg teje. Ndonjëherë është pak e sikletshme, të debatosh  me dikë që është pranë teje. Prandaj, nëse ndjeni avullin që po del nga veshët e shefit (ose partnerit) tuaj përpara një takimi, merrni kontrollin e situatës dhe uluni menjëherë pranë tij. Afërsia juaj do ndihmojë të mbahet zemërimi.

– Shikoni drejtimin e këmbëve të njerëzve për të vlerësuar interesin e tyre ndaj teje

A po e shijon personi që keni përballë bisedën me ju, apo po kërkon një justifikim për t’u larguar? Për ta zbuluar, thjesht shikoni këmbët e saj/ e tij. Nëse ato janë të drejtuara nga ti, personi është vërtetë i interesuar në bisedë. Nëse janë në një drejtim tjetër dhe të zhvendosura në mënyrë të kundërt nga mënyra se si personi është ulur, mendja e tyre është diku tjetër. Ky detaj gjithashtu mund t’ju tregojë nëse jeni të mirëpritur apojo për t’ju bashkuar një bisede.

– Efekti Benjamin Franklin

Ky efekt psikologjik, quhet i tillë, pasi ishte Benjamin Franklin ai që vuri re se nëse i bën dikujt një nder, ti fillon ta pëlqesh atë person. Pse ndodh kështu? Truri ynë lufton kundër situatave ku ajo çfarë mendojmë nuk përputhet me veprimet tona, prandaj kur bëjmë diçka të këndshme për dikë, truri juaj do të vendosë që personi të cilit ndihmuat është në fakt më i/e mirë se ç’keni menduar.

– Më shumë pyetje ju bëjnë më të pëlqyeshëm

Karizma nuk është një dhuratë misterioze e natyrës. Gjithë çfarë duhet të bëni për të qenë i/e tillë është të bëni më shumë pyetje. Në një intervistë pune drejtojini sa më shumë pyetje intervistueit dhe lëreni atë të flasë për veten. Dëgjoni vërtet se ç’kanë për të thënë dhe në fund ata do të largohen nga intervista me një ndjesi pozitive dhe do mendojnë se intervista shkoi mirë, shkruan anabel. Këtë e mbështesin edhe kërkimet e fundi.

– “Shiko një, bëj një, mëso një”

Kjo është një tjetër teknikë psikologjike, për të përvetësuar më mirë një aftësi. Gjatë këtij procesi ji i vëmendshëm dhe shiko çdo detaj, më pas përpiqu ta bësh vetë atë detyrë dhe në fund përpiqu t’ja mësosh dikujt tjetër.

– Efekti i derës në fytyrë

Në disa situata, është mirë të bëni një kërkesë jorealiste. Pala tjetër do t’ju thotë jo (dhe do të ndjehet keq për këtë). Në këtë mënyrë, kur të bëni kërkesën tuaj të vërtetë, do ndjehet i/e detyruar të thotë po.